सत्ति / भारत बाट तस्करी गरेर नेपाल भित्र्याइएकाे ठूलो परिमाणको प्याज प्रहरीले बरामद गरेको छ ।
करिब ७ लाख भन्दा बढी मुल्य बराबरको सामान टिकापुर नगरपालिका वडा नम्बर ४ माैरनियाँ बाट प्रहरीले बरामद गरेको छ । 
नेपाल प्रहरी प्रदेश कार्यालय महेन्द्रनगर कञ्चनपुर बाट सइ सुशील चन्द ठकुरीको कमान्डमा
खटिएको प्रहरीको सादा पाेशाककाे टोलीले शुक्रबार बिहान माैरनिया बाट सुराकीको आधारमा पक्राउ गरेको जनाएको छ ।
पक्राउ गरिएको सामान मध्ये प्याज ४८ बाेरा,श्यामल सुर्ति ६० पाेका चकलेट ३ पेटि, बिँडि २२० पाेका, खुर्सानी ३ बाेरा, पाेलिथिन ३५ पाेका, पक्राउ गरेको जनाएको छ भने टिकापुर ४ माैरनियाँका वर्ष २२ का नेमिस चाैधरिलाई भे २ स २३८८ नम्बरको अटोरिक्सामा लाेड गरिराखेकाे सामान सहित पक्राउ गरेको जनाइएको छ । अटोमा ललिपप २ बाेरा,फिरफिरे १ बाेरा र चकलेट ३ पेटि रहेको प्रहरीले सुदुर सन्दर्भ डटकमलाई जानकारी दिएको छ । 
पक्राउ परेका अटो रिक्सा र सामान सहित करिब ७ लाख रुपैयाँ बराबरको रहेको प्रहरीले बताएको छ ।
बरामद सामान र पक्राउ परेका नेमिस चाैधरि लाई अनुसन्धानका लागि सत्ति भन्सार कार्यालय बुझाउने सइ सुशील चन्द ठकुरीले बताए । 
बरामद गरिएको प्याज भारतीय चाैथिया नामकाे व्यापारीकाे रहेको स्रोतले जानकारी दिएको छ । भारतीय बजार तिकुनियाँ देखि माैरनियाँ सम्म नेपाली र भारतीय नागरिकलाई साइकलमा क्यारिङ गर्न लगाउने र त्यहाँ बाट ट्रकमा लाेड गरेर नेपाली बजारमा उनलेे पठाउने गरेको जानकारी प्राप्त भएको छ । यसरी दैनिक १ ट्रक प्याज निस्कने गरेको एक स्राेतले बतायो । प्रहरीले प्याज बरामद गर्ने क्रममा भन्सार बनाएको सामान पनि नियन्त्रणमा लिएको स्थानीयकाे भनाइ रहेको छ । प्याज र पाेलिथिन ब्याग आयातमा नेपाल सरकारले प्रतिबन्ध लगाएको छ ।
समाचार 
